Sa Kaibigan Kong Si Alfonso

Sa Kaibigan Kong Si Alfonso

Ang kaibigan kong si Alfonso
Siya ay matulunging totoo
Ibibigay ang kailangan mo
Kung nasa kakayahan n’ya ito

Sa kabanalan siya’y masikap
Pananampalataya’y maalab
Kayamanan ay hindi hinangad
Makapaglingkod lamang ng tapat

Siya ay aking hinahangaan
Sa kanyang tunay na katapangan
Kaaway di kinakatakutan
Kundi tanging ang Diyos nga lamang

Oo, siya’y aking hinangaan
Sapagkat siya’y may katapatan
Na hinding-hindi mapapantayan
Ng kahit na sinomang bulaan

Oh, Alfonso, aking kaibigan
Sa mundo’y puro na kasamaan
Iyo nga itong pakaiwasan
Nang matamo buhay walang hanggan

Oo, kaibigan kong Alfonso
Sa paglalakbay ay gamitin mo
Mga aral na natutunan mo
Nang ang tagumpay ay makamit mo

Ang Kaibigan kong si Mark

Ang Kaibigan kong si Mark

Ako ay may isang kaibigan
Mark nga po ang kaniyang pangalan
Siya’y tunay na maaasahan
Sa oras ng pangangailangan

Kahit na siya po ay may hika
Sa pasalamat di nawawala
Tunay po na matiyaga siya
Sa kabanalang ginagawa n’ya

Siya’y hindi madaldal na tao
Siya rin ay isang pasensyoso
Kahit nga po siya’y may talento
Di niya pinagyayabang ito

Siya nga po ay hindi magastos
Salapi n’ya’y hindi inuubos
Nang pag-aabuloy ay malubos
Sapagkat ito nga po ay utos

Siya po ay tinitingala ko
Dahil po sa mga nakita ko
Siya’y isang matuwid na tao
Aral ay tinutupad, totoo

Oh, Mark, aking kaibigang tunay
Sa pag-ayuno ika’y magsanay
‘Pagkat ito nga ay pampatibay
Para ‘di magapi ng kaaway

Bro Lito Nambio

Bro Lito Nambio

Sa inyo, ako ay may ikukuwento
Isang lalake na tunay na maamo
Ang pangalan niya ay Carlito Nambio
Sa kasipagan niya ay walang tatalo

Siya ay malinis at tunay na tapat
Laging nagbibigay ng higit sa sapat
Pananalig niya’y hindi mawawalat
Kahit ang araw ay di na sumikat

Siya ay hindi may mainiting ulo
At hindi rin nag-uugaling magulo
Sa pagkakatipon ay laging nadalo
Ang ugali n’ya ay tunay na panalo

Lagi s’yang nagwawalis ng kalat
Sa kahinahunan siya’y hindi salat
Ang alay ko sa kanya ay isang sulat
Kabutihan ny’a’y halos di ko masukat

Sana’y lagi kang ganyan, Brother Carlito
Ako po sa iyo ay sumasaludo
Dahil nga po sa mga pagpapagal mo
Na alam po naming bukal sa ‘yong puso

Tumatanda nga man po ang iyong balat
Kabanalan mo po’y hindi naglilikat
Pagiging asin mo’y tunay na maalat
Batid ko po iyan sa aking ulirat